VitalLife ဆီသို့ သွားရောက်ခြင်း 

ဆေးရုံမဆင်းမီနဲ့ ဆေးရုံဆင်းပြီးချိန်တွငိ ဘာတွေ မျှော်မှန်းထားရမလဲ ?

လူနာ၏ငွေရေးကြေးရေးနှင့် အာမခံအတွက် သတင်းအချက်အလက်များ

ငွေပေးချေမှုနည်းလမ်းများ

• ငွေသား၊ credit card နှင့် debit card ဖြင့် ပေးချေမှုကို လက်ခံပါတယ်။  Cashier Cheque မှ လွဲ၍ ချက်လက်မှတ်ဖြင့် ပေးချေခြင်းကို လက်မခံပါ။ 

• နိုင်ငံခြားမှဆိုပါက ကြေးနန်းဖြင့် ငွေပေးချေခြင်းကို ပြုလုပ်နိုင်ပါသည်။

•  E-Payment: ကျွန်ုပ်တို့ Vitallife Wellness Center မှ ဧည့်သည်များ ငွေပေးချေမှုအဆင်ပြေချောမွေ့စေရန်အတွက် အခြားသောနည်းလမ်းတစ်ခုအနေနဲ့အွန်လိုင်းငွေပေးချေနည်းစနစ်ကိုလည်း ပြင်ဆင်ထားရှိပါတယ်။ ထိုအွန်လိုင်းငွေပေးချေမှုဟာ လုံခြုံစိတ်ချရပြီး လျှင်မြန်တိကျတာကြောင့် ဧည့်သည့်များ၊ ဆွေမျိုးသားချင်းများ၊ မိတ်ဆွေများအနေနဲ့ ကုမ္ပဏီသို့ ကိုယ်တိုင်လာစရာမလိုဘဲ စရံငွေသွင်းခြင်း၊ ငွေပေးချေခြင်းများပြုလုပ်နိုင်ပါတယ်။ ထိုသို့ပေးချေမှုအတွက် ဝန်ဆောင်ခပေးရန်လည်းမလိုအပ်ပဲအွန်လိုင်းမှ ငွေပေးချေမည့်ဧည့်သည်များအနေနဲ့ ငွေရှင်းကောင်တာသို့ အကြောင်းကြားပေးရန်သာ လိုအပ်ပါတယ်။ ထို့နောက် အွန်လိုင်းငွေပေးချေရန်လင့်ခ် ကို ငွေပေးချေသူ ဧည့်သည်၊ ဆွေမျိုးသားချင်း၊ မိတ်ဆွေတို့၏ အီးမေးလ်လိပ်စာသို့ ပို့ပေးနိုင်မှာဖြစ်ပါတယ်။ ထိုသို့ပေးချေမှုအတွက် VISA  သို့မဟုတ် MasterCard နှင့်သာရရှိနိုင်မှာဖြစ်ပါတယ်။ 

• Western Union ငွေကြေးဝန်ဆောင်မှုကုမ္ပဏီဖြစ်တဲ့ Western Union အနေနဲ့ လူတစ်ဦးမှတစ်ဦးဆီသို့ တစ်နေ့တည်း သို့မဟုတ် နောက်တစ်ရက်အတွင်း အပြီးလုပ်ဆောင်နိုင်မယ့် ငွေလွဲဝန်ဆောင်မှုမျိုး (ဝန်ဆောင်ခအပါအဝင်) ကိုလုပ်ဆောင်ပေးနေပါတယ်။ သူ့မှာ တစ်ကမ္ဘာလုံးအနှံကိုယ်စားလှယ်များရှိပါတယ်။ 

• Credit Card Pre-Authorization. လူကြီးမင်းရဲ့ ဆွေမျိုးသားချင်းများ၊ မိတ်ဆွေများအနေနဲ့ သူတို့၏ credit card တွေကိုအသုံးပြုစေလိုပါက လိုအပ်တဲ့စာရွက်စာတမ်းများပေးပို့ရန်၊ မှတ်တမ်းကူးယူရန် သက်ဆိုင်ရာဌာနသို့ လူကိုယ်တိုင်လာရောက်စရာမလိုဘဲ Vitallife Wellness Center ကို တောင်းဆိုနိုင်ပါတယ်။ 
  1.  အသုံးပြုလို့ရနေဆဲ credit card ရှေ့ဘက်နှင့်နောက်ကျော မိတ္တူ လိုအပ်မည်ဖြစ်ပြီး မိတ္တူမှာပါဝင်တဲ့ security code (ရှေ့ဂဏန်း ၃ လုံး) ကိုအတိအကျဖော်ပြပေးပြီး မှန်ကန်မှုရှိကြောင်း ‘Correct Copy’ဟု ရေးသားကာလက်မှတ်ထိုးပေးပါ။ 
  2.  အသုံးပြုလို့ရနေဆဲ နိုင်ငံကူးလက်မှတ်မိတ္တူ၊ ဓာတ်ပုံပါဝင်သည့် မှတ်ပုံတင်/ ယာဉ်မောင်းလိုင်စင်တို့ လိုအပ်မည်ဖြစ်ပြီး မှန်ကန်မှုရှိကြောင်း‘Correct Copy’ဟုရေးသားကာ လက်မှတ်ထိုးပေးပါ။
  3. Vitallife Wellness Center ကို လိပ်မူပြီး သင်၏ credit card ကို အသုံးပြုနိုင်ကြောင်းသဘောတူလွှာရေးပို့ပေးပါ။ ရေးရမည့်နမူနာပုံစံမှာ အောက်ဖော်ပြပါအတိုင်းဖြစ်ပါသည်။ 
     
     ကျွန်ုပ်အနေနဲ့ ကိုယ်ပိုင် အကြွေးဝယ်ကတ်ဖြစ်သော credit card နံပါတ် _____, လျို့ဝှက်ကုတ် (ရှေ့ဂဏန်းသုံးလုံး) ____, သက်တမ်းကုန်ဆုံးရက်: ......................... ဦး၊ ဒေါ်၊ မ၊ ကို ___ ဖြစ်သူ၏ ဆေးကုသစရိတ်ကို ပေးချေရန် : .................................................. ဆေးရုံနံပါတ် (HN): .............................. ဆေးကုသစရိတ် (ငွေပမာဏ)
     .............................. (လက်ရေးဖြင့် ဂဏန်းဖြင့်ရေးပါ) ခွင့်ပြုပါသည်။ ကျေးဇူးပြု၍ အမည်နှင့် နေ့စွဲကိုလက်မှတ်ရေးထိုးပေးပါ။ 
     
     *American Express  နှင့် Diners Club credit card များကိုဤ ငွေပေးချေမှုအတွက် အသုံးပြုနိုင်မည် မဟုတ်ပါ။ 

• Alipay/WeChat

မှတ်ချက်များ

1. အွန်လိုင်းမှငွေပေးချေခြင်း သို့ ငွေလွဲခြင်းမှလွဲ၍ တခြားသော ငွေပေးချေမှုများအတွက် ငွေရှင်းကောင်တာရှိ ငွေကိုင် (Cashier) ကိုသာတိုက်ရိုက်ငွေပေးချေမှုပြုလုပ်ပါ။ Vitallife တွင် ဝန်ထမ်းများအား ဧည့်သည်၏ငွေကြေးဆိုင်ရာလွဲပြောင်းမှုအတွက် ဧည့်သည်ကိုယ်စားတာဝန်ယူလုပ်ဆောင်ရန်ခွင့်ပြုချက်မပေးထားပါ။ သို့ဖြစ်ပါ၍ ဧည်သည့်မှကိုယ်ကိုယ်တိုင်/ မိသားစုဆွေမျိုး/ ကိုယ်စားလှယ်တို့ဖြင့် Vitallife ရုံးဝန်ထမ်းနှင့် ငွေပေးချေမှု ပြုလုပ်ခဲ့ပါက Vitallife အနေဖြင့်တာဝန်ယူဆောင်ရွက်ပေးမည်မဟုတ်ပါ။ 
2. ငွေပေးချေမည့် ဘဏ်ပေါ်မူတည်၍ ငွေလွဲခြင်းပြီးမြောက်မှုဟာ ရက်အနည်းငယ်မှ ရက်သတ္တပတ်အနည်းငယ်အထိ ကြာမြင့်နိုင်ပါတယ်။ ဝန်ဆောင်မှုကြန့်ကြာခြင်းမရှိစေရန် ကျေးဇူးပြု၍ ဘဏ်နှင့်ချိတ်ဆက်ကာ စုံစမ်းမေးမြန်းပါ။
3. ဧည့်သည်အနေနဲ့ ကြေးနန်းဖြင့် ငွေလွဲမည်ဆိုပါက ငွေကြေးလဲလှယ်နှုန်းနှင့် ဘဏ်ဝန်ဆောင်ခများကို မိမိကိုယ်တိုင်သာ ပေးဆောင်ရမည်ဖြစ်ပါသည်။ 
4. ငွေလွဲပြောင်းမှုကိုဆေးကုသရန်တစ်ခုတည်းအတွက်သာ အသုံးပြုရန်ခွင့်ပြုပါသည်။ ကျေးဇူးပြု၍တစ်ကိုယ်ရေသုံးစွဲရန်အတွက် ငွေလွဲပြောင်းခြင်းမပြုလုပ်ရ။
5. အသေးစိတ်အချက်အလက်များကိုတစ်ခုချင်းစီတင်ပြရန်တောင်းခံလာပါက ဆောင်ရွက်ပေးပါမည်။
6. သင့်နိုင်ငံ ပြင်ပသို့မထွက်လာခင် credit card အတွက် ဘဏ်မှ တာဝန်ရှိသူကို အကြောင်းကြားပါ။ credit card သုံးစွဲနိုင်မှုပမာဏကို တိုးရန်လိုအပ်နိုင်သည့်အတွက် credit card သတ်မှတ်ပမာဏကို စစ်ဆေးပါ။ ကုမ္ပဏီမှ ပေးပို့ထားသည့် ခန့်မှန်းကုန်ကျငွေပမာဏကို ဘဏ်ကိုအသိပေးပါ။ သင့် credit card အား နိုင်ငံခြားတွင် အသုံးပြုသည့်အခါကျသင့်နိုင်မည့်အဖိုးအခများကိုပါအတည်ပြုစစ်ဆေးပါ။ 
7. ငွေကြေးလဲလှယ်နှုန်းသည် ပြည်တွင်းဘဏ်၏ပေါက်စျေးပေါ်တွင်မူတည်နိုင်ပါသည်။ အကယ်၍ဧည့်သည်အနေနဲ့ credit card မှ ငွေပြန်အမ်းစေလိုပါက ထိုင်းဘတ်ငွေဖြင့် ပြန်အမ်းပေးမည်ဖြစ်ပြီး သင်အသုံးပြုသည့် ဘဏ်မှတစ်ဆင့် သင့်နိုင်ငံတွင်အသုံးပြုနေသောငွေကြေးစနစ်နှင့် ဘဏ်၏ငွေလဲလှယ်နှုန်း၊ ငွေကြေးဝယ်ယူ၊ ရောင်းချနှုန်းထားများအရ ပြန်လည်ပြောင်းလဲသွားမည်ဖြစ်သည်။ 
8. ထပ်ဆောင်းကုန်ကြငွေများသည် ဧည့်သည်၏ကျန်းမာရေးအခြေအနေနှင့်  သမားတော်၏ကုသမှုအစီအစဉ်အပေါ်မူတည်ပြီး ထပ်မံကုန်ကျနိုင်ချေရှိပါသည်။ ကြားလူမှပေးဆောင်မည်မဟုတ်သောဆေးကုသမှုကုန်ကျစရိတ်များကို  ဧည့်သည်ကိုယ်တိုင်မှပေးဆောင်ရန်တာဝန်ရှိပါသည်။ ငွေပေးချေမှုကို ဆေးရုံဆင်းမှသာ လုပ်ဆောင်နိုင်ပါသည်။ 
9. သင့်ကို သတင်းအချက်အလက်နှင့် ဆေးကုသမှုခရီးစဉ်အတွက်ရက်ချိန်းရယူနိုင်ရန် တပြားတချပ်မှ မကုန်ကျစေဘဲ စီစဉ်ဆောင်ရွက်ပေးနိုင်မည့် ကိုယ်စားလှယ်ရုံးအသီးသီးကိုလည်းနိင်ငံအရပ်ရပ်မှာထားရှိပါတယ်။ 

ငွေပြန်အမ်းမှု မူဝါဒ

1. ဆေးကုသမှုကုန်ကျစရိတ်များသည် စရံငွေထက်လျော့နည်းခဲ့ပါက  ဧည့်သည်အနေဖြင့် ဆေးကုသမှုပြီးသည်နှင့် ငွေရှင်းကောင်တာသို့ဆက်သွယ်ပြီးငွေပြန်အမ်းရန်ဆက်သွယ်နိုင်ပါသည်။ 
2. ဆေးကုသမှုဖျက်သိမ်းခဲ့ပါက ပြန်အမ်းငွေပမာဏအရမ်းမများလျင် ချက်ချင်းလက်ငင်းငွေပြန်အမ်းပေးမည်ဖြစ်ပြီး ငွေပမာဏများခဲ့ပါက နောက်အကျဆုံး နောက်တစ်နေ့တွင် ပြန်အမ်းပေးမည်ဖြစ်ပါသည်။ (ကျေးဇူးပြု၍ ငွေပြန်အမ်းခြင်းမရှိသည့်မူဝါဒကိုလည်း အောက်တွင်ဖတ်ရှုပေးပါရန်) 
3. ဧည့်သည်မှစရန်ငွေပေးချေပြီးသည်နှင့် သံရုံးမှပေးပို့သည့် ကုသမှုအားလုံးအတွက်အကြုံးဝင်သော အာမခံစာရွက်ကို ကုမ္ပဏီမှလက်ခံရရှိပါမည်။ တကယ်လို့တစ်စိတ်တစ်ပိုင်းသာ လက်ခံရရှိခဲ့ပါက အာမခံအပြည့်မရရှိခင်အချိန်အထိ စရန်ငွေအချို့ကိုသာ သိမ်းဆည်းထားမည် ဖြစ်သည်။ 
4. စာချုပ်မချုပ်ဆိုထားသော စရံငွေအာမခံထားရှိမှုအပေါ် ငွေပြန်အမ်းခြင်းသည် ဧည့်သည်မှအာမခံစာချုပ်ကို ရက် ၃၀ အတွင်းလက်ခံရရှိသည်နှင့်  ပြန်အမ်းပေးမည်ဖြစ်သည်။ ငွေပြန်အမ်းမှုပမာဏသည် အာမခံထားသည့် ပမာဏပေါ်တွင်မူတည်ပါသည်။
5. စရံငွေ၊ ငွေသား၊ debit card၊ ငွေလွဲပြောင်းမှု၊ Alipay/WeChat တို့ဖြင့်ပေးချေထားသည့် စရန်ငွေများကိုမူ ငွေသား သို့မဟုတ် ငွေလွဲပြောင်းမှုဖြင့်သာ ပေးချေသွားမည်ဖြစ်သည်။ credit card ဖြင့် ငွေပေးချေမှုအတွက် credit card ဖြင့်သာ ပြန်အမ်းသွားမည်ဖြစ်ပြီး card လည်ပတ်မှုအပေါ်မူတည်၍ ၃ ပတ်မှ ၄ ပတ်အတွင်း ကြာမြင့်နိုင်ပါသည်။
6. credit card ဖြင့်ပေးချေထားပြီး ငွေသားဖြင့်လိုချင်သော ဧည့်သည်များအနေနှင့် ၂ ရာခိုင်နှုန်း မှ ၃ ရာခိုင်နှုန်းအထိ ကျသင့်နိုင်မည့် credit card ကော်မရှင်ခနှင့် VAT ၇ ရာခိုင်နှုန်းကို ပေးဆောင်ရမည်ဖြစ်သည်။ (credit card အမျိုးအစားပေါ်မူတည်သည်။)
7. မူရင်းလက်ခံပြေစာကို ငွေပြန်အမ်းမှုအတွက် ငွေစာရင်းဌာနသို့ ပြန်ပေးရမည်ဖြစ်သည်။ 
8. ငွေသားဖြင့်ပြန်အမ်းပါက ဧည့်သည်ကိုယ်တိုင်ဆီသို့သာ ပေးချေသွားမည်ဖြစ်သည်။ ဧည့်သည့်၏မိသားစု၊ ဆွေမျိုး၊ ကိုယ်စားလှယ်၊ မိတ်ဆွေတို့အနေနဲ့ ကိုယ်စားလက်ခံလိုပါက ဧည့်သည်ကိုယ်တိုင် အတည်ပြုထားသည့် သဘောတူလွှာနှင့်အတူ လက် မှတ်ထိုးထားသောအသုံးပြုဆဲနိုင်ငံကူးလက်မှတ်မိတ္တူကိုပါ တပါးတည်းယူဆောင်လာရမည်။ ငွေသားပြန်အမ်းမှုကို လက်ခံမည့်သူသည်လည်း အတည်ပြုနိုင်ရန်အတွက် မိမိ၏အသုံးပြုနေဆဲ နိုင်ငံကူးလက်မှတ်မိတ္တူကိုပါပြသပေးရမည်ဖြစ်သည်။ 

ငွေပြန်မအမ်းသည့် မူဝါဒ

1. သောက်သုံးရမည့်ဆေးဝါးများကို ချက်ချင်းကြိုတင်ပြင်ဆင်ထားရသည့် ကုသမှုအစီအစဉ်များ သို့မဟုတ် ဧည့်သည်အတွက် နိုင်ငံခြားမှမှာယူထားရသည့် ဆေးဝါးများအတွက် ငွေပြန်အမ်းမည်မဟုတ်ပါ။ ဤအတွက်ဧည်သည့်အား ကြိုတင်အကြောင်းကြားပေးမည်ဖြစ်သည်။ 
2. ကုသမှုစတင်နေပြီးနောက်  ဧည့်သည်မှ ကုသမှုကိုရပ်တန့်ဖို့ ဆုံးဖြတ်လိုက်ပါက ဆေးခန်းသို့စတင်လာရောက်ပြီးနောက်ကျသင့်သည့် ဆေးကုသမှုကုန်ကျစရိတ်များသည် ဧည့်သည်နှင့်သာသက်ဆိုင်ပါမည်။
3. ငှားရမ်းသုံးစွဲထားသည့် ပစ္စည်းများ ပျက်စီး/ပျောက်ဆုံးပါက ငွေပြန်အမ်းမည်မဟုတ်ပါ။
4. ဆေးဝါးနှင့်ဆေးထောက်ပံ့ပစ္စည်းများအတွက် ငွေပြန်အမ်းမည်မဟုတ်ပါ။
5. အွန်လိုင်းမှဝယ်ယူမှုများအတွက်လည်းငွေပြန်အမ်းမည်မဟုတ်ပါ။

ခရီးသွားအာမခံ

ဆေးကုသမှုဆိုင်ရာခရီးသည်များအတွက် အကြံပြုချက်

1. အာမခံကုမ္ပဏီကို ဆက်သွယ်ပြီး နိုင်ငံခြားတွင်ဆေးကုသမှုများအတွက် အကျုံးဝင်၊ မဝင် မေးမြန်းပါ။
2. မိမိမှအရင်စိုက်ထုတ်ပေးရန်လိုအပ်မှုရှိမရှိနှင့် စိုက်ငွေပြန်အမ်းမှု ရှိမရှိစစ်ဆေးပါ။
3. ဤအခြေအနေမျိုးရှိနေပြီးသားဆိုပါက အာမခံကုမ္မဏီနှင့်ဆက်သွယ်ပြီး သင့်ကုသမှုအတွက်အကျုံးဝင်၊ မဝင်အတည်ပြုပါ။ 
4. ငွေပြန်နှုတ်မှု၊ ပူးတွဲအာမခံနှင့် ဆေးကုသမှုကုန်ကျစရိတ်အတွက် အများဆုံးမည်မျှထိပြန်ရနိုင်မလဲဆိုတာ ရှာဖွေလေ့လာပါ။

စာချုပ်မပါဝင်သော အာမခံ