សារធាតុពុល គឺជាសារធាតុដែលអាចបង្កឲ្យមានផលប៉ះពាល់ធ្ងន់ធ្ងរដល់សុខភាព រួមទាំងអាចបង្កជំងឺមហារីក ឬអាចបណ្តាលឲ្យស្លាប់បាន។ សារធាតុពុលទូទៅរួមមាន សារធាតុគីមី និងលោហៈធ្ងន់ ដូចជា សំណ, កាដម្យូម, បារត, អាសេនិច និងអាលុយមីញ៉ូម។ មនុស្សគ្រប់គ្នាតែងតែមានការប៉ះពាល់នឹងសារធាតុពុលពីបរិស្ថានជារៀងរាល់ថ្ងៃ។ សារធាតុពុលទាំងនេះ អាចមាននៅក្នុងអាហារ, ផលិតផលថែរក្សាសម្រស់, សារធាតុសម្អាតក្នុងផ្ទះ, ផលិតផលថ្នាំជក់, និងសូម្បីតែខ្យល់ដែលយើងដកដង្ហើមផងដែរ។
ការសិក្សាហ្សែនក្នុងកម្រិតធំៗបានបង្ហាញថា ប្រហែល ៥០% នៃប្រជាជនលើពិភពលោក មានសមត្ថភាពថយចុះក្នុងការកម្ចាត់សារធាតុពុលចេញពីរាងកាយ ដោយសារការប្រែប្រួលហ្សែន។ តាមពេលវេលា សារធាតុពុលទាំងនេះអាចកកស្ទះនៅក្នុងរាងកាយ បណ្តាលឲ្យមានការខូចខាតដល់កោសិកា និងបង្កជាការរលាករ៉ាំរ៉ៃ។
រោគសញ្ញាដែលពាក់ព័ន្ធនឹងការកកស្ទះសារធាតុលោហៈធ្ងន់ក្នុងរាងកាយ៖
សញ្ញាដែលអាចបង្ហាញពីការប្រមូលផ្តុំសារធាតុពុលលើសកម្រិតក្នុងរាងកាយ រួមមាន៖ ការគិតស្រពេចស្រពិល, ការភាន់ច្រឡំ, បាត់បង់ការចងចាំ, បញ្ហាអសមត្ថភាពបន្តពូជ, សុខភាពពោះវៀនមិនល្អ, ភាពអស់កម្លាំងរ៉ាំរ៉ៃ, ក្លិនខ្លួនខ្លាំងខុសប្រក្រតី, ប្រតិកម្មខ្លាំងចំពោះសារធាតុគីមី, ការឈឺចាប់សាច់ដុំ និងរាងកាយ, ព្រមទាំងបញ្ហាស្បែកដូចជា មុន ឬជំងឺស្បែកអេក្ស៊ីម៉ា។
របៀបពិនិត្យរកសារធាតុពុល៖
សារធាតុពុលភាគច្រើនមិនស្ថិតនៅក្នុងឈាមយូរទេ ប៉ុន្តែបន្ទាប់មកវាអាចផ្លាស់ទីទៅស្តុកនៅក្នុងជាលិកានានារបស់រាងកាយ។ ដើម្បីវាយតម្លៃបន្ទុកសរុបនៃលោហៈធ្ងន់មានជាតិពុលក្នុងរាងកាយ គេប្រើតេស្តទឹកនោម។ វិធីសាស្ត្រនេះប្រើសារធាតុជំរុញដែលអាចជួយទាញយកសារធាតុពុលដែលបានស្តុកទុកក្នុងជាលិកា និងសរីរាង្គចេញមកក្នុងទឹកនោម ដើម្បីអាចធ្វើការវាស់វែង និងវិភាគបាន។
ក្នុងអំឡុងពេលពិគ្រោះយោបល់ដំបូង អ្នកនឹងត្រូវធ្វើតេស្តដើម្បីពិនិត្យអាឡែកស៊ីចំពោះសារធាតុជំរុញជាក់លាក់មួយចំនួន។ នៅថ្ងៃបន្ទាប់ មានការចាក់បញ្ចូលសារធាតុជំរុញសមស្របតាមសរសៃឈាម ហើយលោកអ្នកត្រូវយកសំណាកទឹកនោមដាក់ក្នុងកំប៉ុងក្នុងរយៈពេល ៣ ម៉ោងបន្ទាប់។ បន្ទាប់មក សំណាកទឹកនោមនេះនឹងត្រូយកទៅវិភាគនៅក្នុងមន្ទីរពិសោធន៍របស់យើង។ ជាទូទៅ លទ្ធផលនឹងចេញក្នុងរយៈពេលប្រមាណ ៥ ថ្ងៃ។
ការណែនាំ
- ប្រសិនបើលោកអ្នកមានជំងឺរ៉ាំរ៉ៃ ឬកំពុងទទួលការព្យាបាលដោយប្រើថ្នាំ សូមជូនដំណឹងដល់គិលានុបដ្ឋាយិកាជាមុន។
- សំណាកទឹកនោមនឹងត្រូវប្រមូលក្នុងរយៈពេល ៣ ម៉ោងបន្ទាប់ពីការមកដល់របស់លោកអ្នក ហើយការវិភាគលទ្ធផលអំពីកម្រិតសារធាតុលោហៈធ្ងន់មានជាតិពុល នឹងចំណាយពេលប្រហែល ៥ ថ្ងៃ។ បន្ទាប់មកនឹងមានការផ្តល់អនុសាសន៍ផ្ទាល់ខ្លួន ដើម្បីជួយដល់ដំណើរការបន្សាបជាតិពុលឲ្យបានសមស្របតាមស្ថានភាពរបស់បុគ្គលម្នាក់ៗ។
- សូមចៀសវាងការទទួលទានអាហារសមុទ្រ ប្រហែល ១ សប្តាហ៍មុនការធ្វើតេស្ត។
