VITAL သည် ကျန်းမာရေးမြေပုံများကိုရေးဆွဲရာတွင်ခေတ်ရှေ့ပြေးနည်းပညာများကိုအဓိကအသုံးပြုသည်။ ဘမ်ရွန်ဂရက်ဆေးရုံကြီးရှိ မျိုးရိုးဗီဇဆေးပညာဠာနနှင့်ပူးပေါင်းပြီး သင့်ဗီဇဆဲလ်များ၏ဇီဝဓာတုဆိုင်ရာအချက်အလက်များ၊ ၎င်းဗီဇဆဲလ်တို့၏ဆေးဝါးအမျိုးမျိုးအပေါ်တုံ့ပြန်ချက်များ (Pharmacogenomics) အပြင် အသားဓာတ် (Proteome) ၊ ဇီဝဖြိုခွဲမှုများမှထွက်လာသောအကြွင်းအကျန်ပစ္စည်းများ (Metabolome) နှင့် အဏုဇီဝပိုးမွှားဆိုင်ရာ စစ်ဆေးလေ့လာချက်များစွာကိုလည်းပြုလုပ်လျှက်ရှိသည်။ ထိုသို့လေ့လာမှုများမှတဆင့် ကိုယ်တွင်းစနစ်တစ်ခုနှင့်တစ်ခုအကြား ရှုပ်ထွေးလှသောအပြန်အလှန်တုံ့ပြန်ဆက်သွယ်မှုများ နှင့် လက္ခဏာမပြသေးသောဓာတ်မညီမျှခြင်းများ၊ ဖြစ်လာနိုင်ချေအန္တရာယ်ရှိသောရောဂါများအကြောင်းကို နက်နဲစွာနားလည်သိရှိနိုင်သည်။ 

သင်၏ VITAL ခရီးစဉ်ကို ပြီးပြည့်စုံသောချင့်ချိန်တွက်ချက်ခြင်းဖြင့်စတင်မည်။ ကျွန်ုပ်တို့၏ပညာရှင်အဖွဲ့သည် သင့်ကိုယ်တွင်းမှရှုပ်ထွေးလှသောလုပ်ဆောင်ချက်များကိုသိရှိနားလည်စေရန် မော်လီကျူးနှင့် ကိန်းဂဏန်းဆိုင်ရာယူနစ်အမှတ်အသားများ၊ သိမြင်နိုင်စွမ်းနှင့်ရုပ်ပိုင်းဆိုင်ရာအကဲဖြတ်စစ်ဆေးမှုများစွာကိုပြုလုပ်ပေးမည်ဖြစ်သည်။ ဤသို့ရှုထောင့်ပေါင်းစုံမှလေ့လာသုံးသပ်ချက်များသည် သင့်ကိုယ်ပိုင်သက်ရှည်ကျန်းမာခြင်းခရီးစဉ်အတွက် အခြေခံအုတ်မြစ်တစ်ခုဖြစ်ပြီး သင့်ခန္ဓာကိုယ်အားယခုလက်ရှိအချိန်နှင့် နောင်အနာဂတ်အထိသင့်တင့်မျှတမှုရှိနေစေရန်ရည်ရွယ်သည်။ 

VITAL ဆိုသည်မှာ ဆယ်စုနှစ်မကသောအတွေ့အကြုံတို့၏အဆုံးသတ်ရလဒ်ကိုကိုယ်စားပြုသည်။ ဤအစီအစဉ်တွင် သင့်အတွက်သီးသန့်စီစဉ်ရေးဆွဲပေးထားသည့် အမျိုးမျိုးသောရောဂါရှာဖွေကုသရေးနည်းလမ်းများပါဝင်ပြီး ကျန်းမာခြင်းကိုမြှင့်တင်ပေးရန်နှင့် ဖြစ်ပွားနေသောကျန်းမာရေးပြဿနာတို့၏ အခြေခံအကြောင်းအရင်းများကိုရှာဖွေသတ်မှတ်ရန်ရည်ရွယ်သည်။ နောက်ဆုံးပေါ်သုတေသနလေ့လာချက်များကိုအခြေခံ၍ အထူးဂရုပြုရွေးချယ်ထားသောခေတ်မှီကုသမှုများသည် သင်၏ကျန်းမာရေးရည်မှန်းချက်နှင့် ဦးစားပေးနှစ်သက်မှုများ၊ ရုပ်ပိုင်းဆိုင်ရာလိုအပ်ချက်များနှင့် ကိုက်ညီနေစေရန်စီမံထားပြီး ခန္ဓာကိုယ်မှစွမ်းအင်ထုတ်လုပ်နိုင်စွမ်းပြန်လည်ကောင်းမွန်လာစေရန်ကူညီပေးနိုင်သည်။

အိုမင်းရင့်ရော်ခြင်းဝိသေသလက္ခဏာ ၁၂ ချက်အရအထူးစီမံဖော်စပ်ထားသောဖြည့်စွက်စာများသည် VITAL ခရီးစဉ်ကိုပိုမိုအားကောင်းစေနိုင်သည့် အထောက်အပံ့တစ်ခုပင်ဖြစ်သည်။ ထို့အတူသင့်ခန္ဓာကိုယ်၏သဘာဝခုခံအားစနစ်ကိုပိုမိုကြံ့ခိုင်စေရန်၊ ဆဲလ်တို့၏လုပ်ဆောင်ချက်များမျှတမှုရှိစေရန် နှင့် ကျန်းမာသောဘဝသက်တမ်းရှည်ကြာစေရန် အားဖြည့်ပေးနိုင်မည့် အထူးတွက်ချက်စီမံထားသောနည်းစနစ်များစွာလဲပါဝင်သည်။ 

အမျိုးမျိုးသောအခြေအနေများနှင့် ထိခိုက်ဒဏ်ရာများအတွက် ပြန်လည်နုပျိုသန်စွမ်းရေးကုသမှုများ၏  ထူးခြားသောအကျိုးသက်ရောက်နိုင်စွမ်းကိုနားလည်သိရှိခြင်းဖြင့် ကျွန်ုပ်တို့ဆေးပညာအဖွဲ့မှ သင့်ခန္ဓာကိုယ်၏သဘာဝပြန်လည်ကုစားနိုင်စွမ်းကိုအခြေခံ၍ အထူးကုသမှုနည်းလမ်းများကို စီမံပြုလုပ်ပေးလျှက်ရှိသည်။ ကျွမ်းကျင်ပညာရှင်များမှသင်နှင့်အတူလက်တွဲကာ သင့်ကိုယ်ပိုင်လိုအပ်ချက်များအတွက် အထိရောက်ဆုံးသောဖြေရှင်းနည်းများကိုရှာဖွေဖော်ထုတ်ပြီး ခေတ်မှီ​ကုသစောင့်ရှောက်မှုနည်းလမ်းများနှင့် ထိတွေ့ကုသရခြင်းအပေါ်သင်၏အတွေ့အကြုံများကိုကောင်းမွန်စေရန် ပံ့ပိုးကူညီသွားမည်ဖြစ်သည်။ 

VitalLife မှနောက်ဆုံးပေါ်သက်ရှည်ကျန်းမာခြင်းအစီအစဉ် VITAL နှင့်အတူ နာတာရှည်ရောဂါများနှင့် နာမကျန်းဖြစ်ခြင်းတို့မှကင်းဝေးကာ ပိုမိုကျန်းမာတက်ကြွသော အသက်ရှည်အနာမဲ့သောဘဝတစ်ခုကိုရရှိရန်လုပ်ဆောင်လိုက်ပါ။ ကျန်းမာရေးကောင်းမွန်စေရန်နှင့် ဆန်းသစ်သောနောက်ဆုံးပေါ်ဖြေရှင်းနည်းများနှင့်အတူသင့်ဘဝကိုပြောင်းလဲရန် ကျွန်ုပ်တို့၏အကောင်းဆုံးသောဝန်ဆောင်မှုများကိုရယူပါ။ စောင့်ဆိုင်းမနေပဲ ယနေ့ပင်သင့်ကျန်းမာရေးကိုထိန်းချုပ်ကာကွယ်ပါ။ ယခုပဲရက်ချိန်းရယူလိုက်ပါ။