ဒီအန်အေအလုံးစုံကျန်းမာရေးစစ်ဆေးမှု

မိမိ၏မျိုးရိုးဗီဇအကြောင်းကိုလေ့လာပြီး သင့်အနာဂတ်ကိုရှာဖွေဖော်ထုတ်ပါ။
လူနာတစ်ဦးစီအတွက်သီးသန့်ဖြစ်သော ကျန်းမာရေးဆိုင်ရာအသိအမြင်များ

VitalLife သည် အရွယ်တင်နုပျိုသောသက်ရှည်ကျန်းမာခြင်း နှင့် ဝေဒနာဖိစီးမှုဒဏ်ကိုတွန်းလှန်နိုင်ခြင်း အပိုင်းတို့တွင် ဦးဆောင်ကုသနေသူများဖြစ်ကြပြီး ကျွနု်ပ်တို့၏ရည်ရွယ်ချက်မှာ သီးသန့်ဖန်တီးရေးဆွဲပေးနိုင်သော ကျန်းမာရေးသိပ္ပံဆိုင်ရာအသိအမြင်များကိုအခြေခံ၍ သင့်အားမည်သည့်အသက်အပိုင်းအခြားမဆို ကျန်းမာနုပျိုစွာရှင်သန်သွားစေနိုင်ရန်ဖြစ်သည်။ DNA All Health စစ်ဆေးမှုအားပြန်လည်မိတ်ဆက်ရလျှင် သင်၏ထူးခြားသောမျိုးရိုးဗီဇဖွဲ့စည်းပုံမှတဆင့် သင့်ကျန်းမာရေးကိုမြှင့်တင်ပေးနိုင်သော အထူးအခွင့်အလမ်းတစ်ရပ်ပင်ဖြစ်သည်။

DNA All Healthကို ဘာကြောင့်ရွေးချယ်သင့်သလဲ။

DNA All Health အစီအစဉ်သည် ကျွန်ုပ်တို့၏မျိုးရိုးဗီဇ၊ ဘဝနေထိုင်မှုပုံစံ နှင့် ပတ်ဝန်းကျင်တို့အကြား ဆက်နွယ်မှုများကို ပိုမိုနက်ရှိုင်းစွာသဘောပေါက်နားလည်စေနိုင်ပြီး ထိုရလာသောအချက်အလက်များအရ ပိုမိုတက်ကြွကျန်းမာသော၊ သာယာပျော်ရွှင်ဖွယ်ကောင်းသောဘဝရရှိစေရန် မည်သို့သင့်မြတ်အောင်လုပ်ဆောင်သင့်ကြောင်း သိရှိစေရန်ရည်ရွယ်သည်။

ဘယ်အချက်တွေက DNA All Health စစ်ဆေးမှုအစီအစဥ်ကို ထူးခြားကောင်းမွန်စေတာလဲ။

ပြီးပြည့်စုံသော စမ်းသပ်စစ်ဆေးမှုများ
ကျွန်ုပ်တို့သည် သာမန်မျိုးရိုးဗီဇစစ်ဆေးမှုထက်ကျော်လွန်၍ အလေ့အထဆိုင်ရာဗီဇဖော်ပြချက်များကိုပါထည့်သွင်းစစ်ဆေးသည့်အတွက် ကျန်းမာရေးနှင့်ညီညွတ်သော နေ့စဥ်ဘဝနေထိုင်မှုအလေ့အကျင့်ကောင်းများကို ဖန်တီးကျင့်သုံးစေနိုင်မည်ဖြစ်သည်။
သင့်အတွက်သီးသန့်ဖြစ်သောကျန်းမာရေးစီမံချက်
လူတစ်ဦး နှင့် တစ်ဦးတွင် DNA ဖွဲ့စည်းပုံမတူညီသကဲ့သို့ သင်၏ကျန်းမာရေးလိုအပ်ချက်များသည်လည်း အများနှင့်မတူညီစွာကွဲပြားသည်။ ကျွန်ုပ်တို့အနေဖြင့် သင့်မျိုးရိုးဗီဇအချက်အလက်များအရ သင်တစ်ဦးတည်းအတွက်သီးသန့်ဖြစ်သော ကျန်းမာရေးအစီအစဉ်များကို ရေးဆွဲပေးပြီး ယခင်ကထက်ပိုမိုသက်ဝင်တက်ကြွစေရန်၊၊ စွမ်းရည်တိုးမြှင့်စေရန်၊ ရောဂါဝေဒနာများကိုတွန်းလှန်ခုခံနိုင်ရန် ကူညီထောက်ပံ့ပေးသွားမည်ဖြစ်သည်။
လက်တွေ့အသုံးချလုပ်ဆောင်နိုင်သောအကြံပြုချက်များ ကိန်းဂဏန်းအချက်အလက်များကိုသာပေးစွမ်းသော အခြားစစ်ဆေးမှုများနှင့်မတူညီပဲ လက်တွေ့အသုံးချလုပ်ဆောင်နိုင်သောနည်းလမ်းများစွာပါဝင်သည်။ VitalLife နှင့်လက်တွဲခြင်းဖြင့် သင်၏ဗီဇဆိုင်ရာအန္တရာယ်များကို နားလည်သိရှိိရုံသာမက သင့်ကျန်းမာရေးနှင့်ဘဝအရည်အသွေးကို မြှင့်တင်ပေးနိုင်သော စားသောက်နေထိုင်မှုပုံစံ နှင့် ပစ််မှတ်ထားစီမံကုသမှုများအကြောင်းကို ရှင်းရှင်းလင်းလင်းသိမြင်ပြီး လက်တွေ့လုပ်ဆောင်ရမည့်နည်းလမ်းများကိုပါ ရရှိနိုင်မည်ဖြစ်သည်။
ကျွမ်းကျင်ပညာရှင်များ၏အကူအညီရရှိနိုင်ခြင်း - သင့်အနေဖြင့် ဘမ်ရွန်ဂရက်ဆေးရုံကြီး၏ မျိုးရိုးဗီဇဆေးပညာဌာနအပါအဝင် ကမ္ဘာ့အဆင့်မီဆရာဝန်များနှင့် ဗီဇဆိုင်ရာကျွမ်းကျင်ပညာရှင်များပါဝင်သောအဖွဲ့မှ ပံ့ပိုးကူညီမှုနှင့် လမ်းညွှန်မှုများကိုရရှိနိုင်မည်ဖြစ်ပြီး သင့်ကျန်းမာရေးအတွက်လိုအပ်သော ပညာရှင်ဆိုင်ရာအဆုံးအဖြတ်များဖြင့် ယနေ့မှစ၍ပိုမိုကောင်းမွန်ကျန်းမာစွာနေထိုင်သွားရန် စတင်လုပ်ဆောင်နိုင်မည်ဖြစ်သည်။

သင့်ကျန်းမာရေးကို သင်ကိုယ်တိုင်ထိန်းချုပ်စီမံဖို့အဆင်သင့်ဖြစ်ပြီလား?

ကျွန်ုပ်တို့ DNA All Health အစီအစဉ်မှ မျိုးရိုးဗီဇခွဲခြမ်းစိတ်ဖြာစစ်ဆေးမှုသည် သင်၏ထူးခြားသောပင်ကိုဗီဇအလားအလာများနှင့် ပတ်သက်သော တန်ဖိုးရှိသည့်အချက်အလက်များကို ပေးစွမ်းနိုင်သည်။ ဤစစ်ဆေးမှုသည် သင့်အားအကျိုးပြုသော ဘဝနေထိုင်မှုအလေ့အထ၊ စားသောက်မှုပုံစံ နှင့် လေ့ကျင့်ခန်းပုံစံများကို စနစ်တကျရွေးချယ်ဆုံးဖြတ်နိုင်စေရန် များစွာအထောက်အကူပြုသည်။

အဓိကအမျိုးအစား ၅ ခုအတွင်းမှ အရေအတွက် ၁၀၀ ကျော်ပါဝင်သောအသေးစိတ်အစီရင်ခံစာများကို လက်ခံရရှိမည်ဖြစ်သည်။

လှုပ်ရှားမှုဆိုင်ရာဗီဇရင်းမြစ်များ
မိမိမျိုးရိုးဗီဇ၏ကြံ့ခိုင်သန်မာမှု၊ အားကစားစွမ်းဆောင်ရည်၊ ပြန်လည်ကုစားနိုင်စွမ်း နှင့် ဘေးအန္တရာယ်ကာကွယ်နိုင်စွမ်းများကို နားလည်သဘောပေါက်နိုင်မည်ဖြစ်သည်။
အာဟာရဖြိုခွဲသုံးစွဲမှု
သင့်ခန္ဓာကိုယ်မှ မတူညီသောအာဟာရဓာတ်အမျိုးမျိုးအား မည်သို့စီမံလုပ်ဆောင်နေသည်ကို သိမြင်နိုင်ပြီး မိမိကျန်းမာရေးအတွက် သင့်တော်ကောင်းမွန်သောအစားအသောက်များကို ပြင်ဆင်နိုင်ရန်ကူညီပေးမည်ဖြစ်သည်။
ထိတွေ့မှုအန္တရာယ်များ
မိမိဗီဇအရ ပတ်ဝန်းကျင်မှအဆိပ်အတောက်များ၊ ဖုန်မှုန့်များ၊ လေထုညစ်ညမ်းမှုနှင့် အခြားပြင်ပဖိအားများကြောင့် ဖြစ်လာနိုင်ချေရှိသော အန္တရာယ်များကိုသိရှိနိုင်မည်ဖြစ်သည်။
စိတ်ပိုင်းဆိုင်ရာလက္ခဏာများ
သင်၏စိတ်ခံစားမှု၊ အပြုအမူ နှင့် စိတ်ပိုင်းဆိုင်ရာခံနိုင်ရည်တို့အပေါ် မျိုးရိုးဗီဇ၏သက်ရောက်မှုအကြောင်းကို နားလည်နိုင်မည်ဖြစ်သည်။
ဘဝလမ်းညွှန်ချက်များ
မိမိ၏မျိုးရိုးဗီဇဖွဲ့စည်းပုံနှင့်ထပ်တူကျသော အမှန်တကယ်လိုက်နာလုပ်ဆောင်နိုင်မည့် အကြံပြုချက်များကိုရယူပြီး ဘဝအတွက်အကျိုးရှိသောဆုံးဖြတ်ချက်များချမှတ်နိုင်မည်ဖြစ်သည်။

သင့်အတွက်ဘာတွေရရှိနိုင်မလဲ။

လှုပ်ရှားမှုဆိုင်ရာဗီဇရင်းမြစ်များ (စစ်ဆေးမှုအစီရင်ခံစာ ၁၇ ခု) ပင်မဇီဝဖြစ်စဉ်များ၊ ခန္ဓာကိုယ်ဖွဲ့စည်းပုံအင်္ဂါရပ်များ၊ ကိုယ်အလေးချိန်ထိန်းချုပ်မှု၊ လေ့ကျင့်ခန်းလုပ်ဆောင်ချက်အားတုံ့ပြန်မှုနှင့် ထိခိုက်ဒဏ်ရာဖြစ်ပွားခြင်းမှကာကွယ်နိုင်မှု
အာဟာရဖြိုခွဲသုံးစွဲမှု (စစ်ဆေးမှုအစီရင်ခံစာ ၁၆ ခု) - ဇီဝဖြစ်စဉ်စွမ်းဆောင်ရည်များ၊ လိုအပ်သောဗီတာမင် နှင့် သတ္တုဓာတ်များ
ထိတွေ့မှုအန္တရာယ်များ (အစီရင်ခံစာ ၂၅ ခု)
အစားအသောက်အန္တရာယ်၊ လုပ်ငန်းခွင်ပတ်ဝန်းကျင်အန္တရာယ်နှင့် အခြားထိတွေ့မှုအန္တရာယ်များ
စိတ်ပိုင်းဆိုင်ရာလက္ခဏာများ (အစီရင်ခံစာ ၂၆ ခု)
ပင်ကိုယ်စရိုက်များ၊ ဆုံးဖြတ်ချက်ချနိုင်မှု၊ သိမြင်နိုင်စွမ်း၊ အပြုသဘောဆောင်သောစိတ်ခံစားချက်များ၊ လူမှုဆက်ဆံရေးစိတ်အခြေအနေ
ဘဝလမ်းညွှန်ချက်များ (အစီရင်ခံစာ ၁၈ ခု)
ဆေးလိပ် နှင့် အရက်သောက်ခြင်း၏သက်ရောက်မှု၊ ကိုယ်လက်လှုပ်ရှားမှုပြုလုပ်ခြင်း၏အကျိုးသက်ရောက်မှု

ဘယ်လိုအလုပ်လုပ်သလဲ။

ရိုးရှင်းသောသွေးစစ်ခြင်း လွယ်ကူမြန်ဆန်သော သွေးနမူနာယူခြင်း
၄ ပတ်အတွင်းစစ်ဆေးမှုအဖြေရရှိခြင်း ကျွန်ုပ်တို့ဆရာဝန်နှင့်ဆွေးနွေးတိုင်ပင်ပြီး သင့်မျိုးရိုးဗီဇနှင့်ပတ်သက်သော အကြောင်းအရာအသေးစိတ်ကိုမှတ်သားကာ ကျန်းမာရေးအတွက်သင့်တော်သောဆုံးဖြတ်ချက်များပြုလုပ်ရန် လမ်းညွှန်ချက်များရယူပါ။

စစ်ဆေးမှုပြုလုပ်ရန်သင့်လျော်သူများ

အသက် ၁၈ နှစ် နှင့် အထက်ပြည့်ပြီးသူများ၊ မိမိကျန်းမာရေးအတွက် ကောင်းမွန်သောနည်းလမ်း နှင့် အကြံပြုချက်များကို တက်ကြွစွာလိုက်နာလုပ်ဆောင်ရန် စိတ်ဝင်စားသူများ

စစ်ဆေးမှုမပြုလုပ်သင့်သူများ

သွေးနမူနာထုတ်ယူခြင်းမတိုင်မီ ၂ ပတ်အတွင်း သွေးသွင်းကုသမှုခံယူထားသူများ
မိမိမဟုတ်သောအခြားလှုဒါန်းသူမှ ရိုးတွင်းခြင်ဆီ သို့မဟုတ် stem cell လဲလှယ်ထည့်သွင်းမှုခံယူထားသူများ
လက်ရှိသို့မဟုတ် ယခင်က သွေးနှင့်သက်ဆိုင်သောကင်ဆာရောဂါရှိသူများ

ညွှန်ကြားချက်များ

ဤစစ်ဆေးမှုအတွက် အစာရှောင်ရန်မလိုအပ်ပါ။

ငွေပေးချေရန်နည်လမ်းများ

ငွေကြေးနှင့်အာမခံဆိုင်ရာ အချက်အလက်များသိရှိလိုပါက - နှိပ်ပါ။