အဆိပ်အတောက်များသည် လူသားတို့အတွက်သိသာသောအန္တရာယ်များ၊ ကင်ဆာရောဂါများ နှင့် အသက်သေဆုံးသည်အထိ ဖြစ်စေနိုင်သည်။ အတွေ့များသော အဆိပ်အတောက်ဖြစ်စေသည့်ပစ္စည်းများတွင် ဓာတုပစ္စည်းများ၊ ခဲ၊ ကက်ဒမီယမ်၊ ပြဒါး၊ အာဆန်နစ် နှင့် အလူမီနီယမ်ကဲ့သို့သော သတ္ထုဓာတ်များပါဝင်သည်။ ကျွန်ုပ်တို့အားလုံးသည် ပတ်ဝန်းကျင်မှအဆိပ်အတောက်များကို နေ့စဉ်နှင့်အမျှထိတွေ့နေရသည်။ ၄င်းတို့ကို အစားအစာ၊ အလှကုန်ပစ္စည်းများ၊ အိမ်သုံးသန့်ရှင်းရေးပစ္စည်းများ၊ ဆေးလိပ်နှင့် ကျွန်ုပ်တို့ ရှုရှိုက်နေရသောလေထုထဲတွင်ပင် တွေ့ရှိရသည်။

ကျယ်ပြန့်သောဗီဇတိုင်းတာစစ်ဆေးမှုများအရ ကမ္ဘာ့လူဦးရေ၏ ၅၀ ရာခိုင်နှုန်းတွင် ဗီဇသန္ဓေပြောင်းလဲမှုများကြောင့် အဆိပ်အတောက်ဖယ်ရှားသန့်စင်နိုင်စွမ်းလျော့နည်းနေကြောင်း တွေ့ရှိရသည်။ အချိန်ကြာလာသည်နှင့်အမျှ အဆိုပါအဆိပ်အတောက်များသည် ခန္ဓာကိုယ်အတွင်းစုပုံလာပြီး ဆဲလ်များပျက်စီးစေခြင်းနှင့် နာတာရှည်ရောင်ရမ်းမှုများကို ဖြစ်စေနိုင်သည်။

အဆိပ်အတောက်ဖြစ်စေသော သတ္တုဓာတ်များစုပုံလာခြင်းနှင့် ဆက်စပ်နေသော ရောဂါလက္ခဏာများ

ခန္ဓာကိုယ်အတွင်း အဆိပ်အတောက်များ လွန်ကဲစွာစုပုံလာခြင်းကြောင့် ဖြစ်ပွားတတ်သောရောဂါလက္ခဏာများမှာ ဦးနှောက်ထိုင်းမှိုင်းခြင်း၊ စိတ်ရှုပ်ထွေးခြင်း၊ မှတ်ဉာဏ်ချို့ယွင်းခြင်း၊ မျိုးဆက်မပွားနိုင်ခြင်း၊ အူလမ်းကြောင်းကျန်းမာရေးမကောင်းခြင်း၊ ပင်ပန်းနွမ်းနယ်ခြင်း၊ ကိုယ်နံ့ပြင်းခြင်း၊ ဓာတုပစ္စည်းများနှင့်ဓာတ်မတည့်ခြင်း၊ ကိုယ်လက်နာကျင်ကိုက်ခဲခြင်း၊ ဝက်ခြံနှင့် နှင်းခူကဲ့သို့သော အရေပြားပြဿနာများဖြစ်ပွားခြင်း တို့ပင်ဖြစ်သည်။

အဆိပ်အတောက်များကိုဘယ်လို စစ်ထုတ်သလဲ။

အဆိပ်အတောက်များသည် သွေးထဲတွင် အချိန်ခဏသာရှိနေနိုင်ပြီးနောက် တစ်ရှူးများအတွင်းသို့ သိုလှောင်ရန်ဝင်ရောက်သွားကြသည်။ ကျွန်ုပ်တို့သည် ခန္ဓာကိုယ်အတွင်းရှိ အဆိပ်ဖြစ်သတ္တုဓာတ်များ၏ စုစုပေါင်းပမာဏကိုသိရှိနိုင်ရန် ဆီးစစ်ဆေးမှုတစ်ခုဖြစ်သည့် Provoked Urine Test ကို အသုံးပြုသည်။ ဆိုလိုသည်မှာ ဓာတ်ဖျက်ဒြပ်ပေါင်းများကိုအသုံးပြု၍ တစ်ရှူးဆဲလ် နှင့် ကိုယ်တွင်းအင်္ဂါများအတွင်း သိုလှောင်ထားသော အဆိပ်အတောက်များကို ဆီးထဲသို့ဆွဲထုတ်တိုင်းတာခြင်းဖြစ်သည်။

ဆရာဝန်နှင့်ပထမဆုံးတိုင်ပင်ဆွေးနွေးသည့်အခါ ဓာတ်ဖျက်ဒြပ်ပေါင်းအချို့ နှင့် ဓာတ်မတည့်မှု ရှိ၊မရှိသိရှိနိုင်ရန် စစ်ဆေးမည်ဖြစ်သည်။ နောက်တစ်ရက်တွင် သင့်တော်သောဓာတ်ဖျက်ဒြပ်ပေါင်းများကို သွေးကြောအတွင်းထိုးသွင်းပေးပြီး နောက်ထပ် ၃ နာရီကြာမြင့်သည်အခါ ပေးထားသောခွက်ဖြင့် ဆီးများကိုစုဆောင်းစေမည်။ အဆိုပါဆီးနမူနာကို ကျွန်ုပ်တို့၏ဓာတ်ခွဲခန်းတွင် အသေးစိတ်စစ်ဆေးသွားမည်ဖြစ်ပြီး ရလဒ်များကို ပုံမှန်အားဖြင့် ၅ ရက်အတွင်း သိရှိနိုင်မည်။

ညွှန်ကြားချက်များ

အကယ်၍သင့်တွင် နာတာရှည်ရောဂါတစ်ခုခုရှိလျှင် သို့မဟုတ် ဆေးများသောက်သုံးနေရလျှင် သူနာပြုဆရာမထံ ကြိုတင်အကြောင်းကြားထားရန် လိုအပ်ပါမည်။
ဆေးခန်းသို့ရောက်ရှိပြီး ၃ နာရီအတွင်း ဆီးထုတ်ယူစုဆောင်းမည်ဖြစ်ပြီး ဓာတ်သတ္ထုအဆိပ်သင့်ခြင်းကိုစစ်ဆေးရန် ခန့်မှန်းခြေအားဖြင့် ၅ ရက်ကြာမြင့်ပါမည်။ ထို့နောက်တွင် သင့်တော်သောအဆိပ်ဖြေခြင်းနည်းလမ်းများကို သီးသန့်အကြံပြုညွှန်ကြားပေးမည်ဖြစ်သည်။
စစ်ဆေးမှုမပြုလုပ်မီ တစ်ပတ်ခန့်အတွင်း ပင်လယ်စာများစားသုံးခြင်းကို ရှောင်ကြဉ်ပါ။

ကျွန်ုပ်တို့၏ Line official သို့ဆက်သွယ်ရန် ဤနေရာတွင်နှိပ်ပါ။

ငွေပေးချေရန်နည်းလမ်းများ

ငွေကြေးနှင့်အာမခံဆိုင်ရာအချက်အလက်များသိရှိလိုပါက - နှိပ်ပါ။