CoolSculpting သည် အဆီချခြင်း (Fat Reduction) သို့မဟုတ် အအေးဖြင့်အဆီချေဖျက်ခြင်း (Cryolipolysis) တွင်အသုံးပြုသည့် FDA မှအသိအမှတ်ပြုထားသော ကုသရေးစက်ကိရိယာဖြစ်သည်။ အဆီဆဲလ်များသည် အပူချိန်ကိုအလွယ်တကူတုံ့ပြန်နိုင်ခြင်းကြောင့် ၎င်းကိုသင့်တင့်သောအအေးဓာတ်ဖြင့်ဖြိုခွဲဖျက်ဆီးနိုင်သည်။ ဤနည်းလမ်းသည် အရေပြား နှင့် အောက်ခံတစ်သျှူးဆဲလ်များအား ထိခိုက်မှုမရှိစေဘဲ ထိရောက်စွာအဆီချေဖျက်နိုင်သည်။
ကုသမှုလုပ်ဆောင်နေစဉ်အတွင်းတွင် အဆီများစုစည်းနေသောအပေါ်ယံအရေပြားကို အအေးပေး Applicator စက်ဖြင့်စုပ်ယူပြီး အဆီဆဲလ်များကိုအအေးဓာတ်ပေးသည်။ အဆိုပါအအေးဓာတ်သည် စုပ်ယူထားသောအရေပြားဧရိယာတစ်ခုလုံးကိုထုံသွားစေသည့်အတွက် အေးမြသောခံစားမှုကိုရရှိကြောင်း ကုသမှုခံယူဖူးသူအချို့ကဖော်ပြလေ့ရှိကြသည်။ အဆီထုကိုလျော့နည်းစေရန် နှင့် ကိုယ်ခန္ဓာကောက်ကြောင်းပေါ်စေရန် ဧရိယာတစ်ခုအတွက် Applicator အသုံးပြုမှု သို့မဟုတ် ကုသမှုအကြိမ်အရေအတွက် ထပ်တလဲလဲပြုလုပ်ပေးရန်လိုအပ်နိုင်ပါသည်။

CoolSculpting ကုသမှုသည် Cryolipolysis ဟုခေါ်သော ချိန်ညှိထိန်းချုပ်ထားသည့်အအေးဓာတ်ဖြင့်အဆီဖြိုခွဲနည်းကိုအသုံးပြုသည်။ အရေပြား၏အပူချိန်ကို -10°C မှ -11°C အထိလျှော့ချလိုက်ခြင်းဖြင့် အခြားသောတစ်သျှူးဆဲလ်များလုံးဝမပျက်စီးစေပဲ ခန္ဓာကိုယ်အတွင်းအလိုမရှိသောအဆီဆဲလ်များကို ထိရောက်ညင်သာစွာချေဖျက်ပေးနိုင်သည်။

CoolSculpting ကုထုံး၏အကျိုးကျေးဇူးများ

ခန္ဓာကိုယ်အတွင်း ထိုးဖောက်ခွဲစိတ်မှုမရှိသည့်ကုသမှုဖြစ်သောကြောင့် မေ့ဆေးနှင့်အနာသက်သာဆေးများသုံးစွဲရန်မလိုအပ်ပါ။

သက်တောင့်သက်သာရှိသည့်ကုသမှုတစ်ခုဖြစ်ပြီး ကုသချိန်မှာ ၃၅ မိနစ်မှ ၆၀ မိနစ်သာကြာမြင့်နိုင်သောကြောင့် နေ့လည်စာစားချိန်အတွင်းမှာပင်လုပ်ဆောင်နိုင်သောကုသမှုတစ်ခုဖြစ်သည်။

X-Wave ကုထုံး

X-wave ကုထုံးနှင့်တွဲဖက်လုပ်ဆောင်ပါက ကုသမှုလုပ်ဆောင်မည့်ဧရိယာဆီသို့ သွေးစီးဆင်းမှုအားကောင်းစေခြင်းကြောင့် ကိုယ်တွင်းဆဲလ်များမှမလိုအပ်သောအဆီအနယ်အနှစ်များကို ခန္ဓာကိုယ်၏သဘာဝအညစ်အကြေးစွန့်လုပ်ငန်းစဉ်အတိုင်း အလွယ်တကူဖယ်ရှားနိုင်စေသည်။ ဤနည်းအားဖြင့် မလိုအပ်သောအဆီများကိုဖယ်ရှားနိုင်ပြီး သင့်လည်ပင်းတဝိုက်ရှိအရေပြားများပွရောင်းရောင်းဖြစ်နေခြင်းကိုသက်သာစေသည်။ X-wave ကုထုံးသည် အီလက်စတင် နှင့် ကော်လဂျင်ထုတ်လုပ်မှုကိုလည်းမြင့်မားစေသည့်အတွက် အသားအရေတင်းရင်းစေရန်လည်းကူညီပေးနိုင်သည်။

အစီအစဥ်အတွင်းပါဝင်မှုများ

CoolSculpting ဧရိယာတစ်ခု
X-wave ကုထုံး

ငွေပေးချေရန်နည်းလမ်းများ

ငွေပေးချေရန်နည်လမ်းများ - နှိပ်ပါ။

လိုက်နာရန်ညွှန်ကြားချက်များ

အကယ်၍သင်သည် ဆေးကုသမှုခံယူနေသူ သို့မဟုတ် ရောဂါတခုခုအတွက် ဆေးဝါးများသောက်သုံးနေရသူဖြစ်ပါက သူနာပြုကိုကြိုတင်၍အသိပေးထားရန် လိုအပ်ပါမည်။
ကုသမှုမစတင်မီအချိန်တိုင်း အစာစားထားရန်အကြံပြုပါသည်။
ဆေးခန်းသို့ ပေါ့ပါး၍သက်တောင့်သက်သာရှိသောအဝတ်အစားများသာဝတ်ဆင်လာရန် အကြံပြုပါသည်။
ဖျားနာနေသူများ သို့မဟုတ် ဓမ္မတာလာနေသူများအနေဖြင့် ကုသမှုရွှေ့ဆိုင်းရန် အကြံပြုပါသည်။