အချို့သော အစားအစာများသည် ကျွန်ုပ်တို့ကို မအီမသာဖြစ်စေတတ်ပြီး အရေပြားပြဿနာများ ဆက်တိုက်ဖြစ်ပေါ်ခြင်း၊ စိတ်ဓာတ်ကျခြင်း၊ အကြောင်းရင်းမရှိ ကိုယ်အလေးချိန်ကျဆင်းခြင်း၊ အာရုံစူးစိုက်ရန် ခက်ခဲခြင်းစတဲ့ လက္ခဏာများကိုဖြစ်ပေါ်စေနိုင်ပြီး တကယ်လို့ ထိုပြဿနာများဟာ မိမိနေ့စဉ်ဘဝနေထိုင်မှုကို ထိခိုက်လာပါက အစားအသောက် မတည့်ခြင်းဟာ အကြောင်းရင်းခံတစ်ခု ဖြစ်နိုင်ပါတယ်။

အစားအသောက်မတည့်ခြင်းဆိုတာ ဘာလဲ

အစားအသောက် မတည့်ခြင်း (Food Intolerance)နှင့် အစားအစာ ဓာတ်မတည့်ခြင်း (Food Allergy) တို့သည် မတူညီကြပေ။ အစားအစာ ဓာတ်မတည့်ခြင်းဆိုသည်မှာ တခုခုမတည့်သည်ကို စားလိုက်သည်နှင့် ခန္ဓာကိုယ်ကိုယ်ခံအားစနစ်မှ IgE ပဋိပစ္စည်းများ ထုတ်လွှတ်ခြင်းဖြင့် ခန္ဓာကိုယ်ကိုယ်ခံအားစနစ်မှာ တုံပြန်ကာ ပြင်းထန်သော လက္ခဏာများဖြစ်သည့် အသက်ရှူကြပ်ခြင်း၊ ယားယံသောအနီကွက်များထွက်ခြင်း၊ ခန္ဓာကိုယ်ရောင်ရမ်းခြင်း သို့မဟုတ် အသက်အန္တရာယ်ရှိသည့် အခြေအနေများအထိ ဖြစ်ပေါ်စေနိုင်ပါတယ်။

သို့သော် အစားအသောက် မတည့်ခြင်း (Food Intolerance)ဆိုသည်မှာ အဆိုပါ IgG ပဋိပစ္စည်းများ ထုတ်လုပ်မှုကြောင့် ဖြစ်ပေါ်လာသော နှောင့်နှေးပြီး ကိုယ်ခံအားစနစ်နှင့်မသက်ဆိုင်သောတုံ့ပြန်မှုတစ်ခုသာဖြစ်သည်။ အဆိုပါလက္ခဏာများပေါ်ရန် ၂ ရက်မှ ၃ ရက်ခန့် ကြာတတ်သောကြောင့် မည်သည့်အစားအစာကြောင့် မည်သို့ဖြစ်ရသည်ကို ခွဲခြားသိရှိနိုင်ရန် ခက်ခဲလှသည်။

အစားအသောက်မတည့်ခြင်းလက္ခဏာများ

အစားအသောက်မတည့်ခြင်းသည် ခန္ဓာကိုယ်ရှိ ကဏ္ဍအသီးသီးကို ထိခိုက်စေနိုင်ပြီး အောက်ပါလက္ခဏာများဖြစ်ပေါ်စေနိုင်ပါတယ်

ခေါင်းတစ်ခြမ်းကိုက်ခြင်း၊ စိတ်အပြောင်းအလဲမြန်ခြင်းကဲ့သို့သော အာရုံကြောစနစ် လက္ခဏာများ
ပန်းနာရင်ကြပ်ခြင်း၊ ဆိုင်းနပ်ရောင်ရမ်းခြင်းကဲ့သို့သော အသက်ရှူလမ်းကြောင်းဆိုင်ရာ လက္ခဏာများ
အဆစ်နာခြင်း၊ ကြွက်သားကိုက်ခဲခြင်းကဲ့သို့သော ကြွက်သားနှင့် အရိုးစနစ် လက္ခဏာများ
ဝမ်းချုပ်ခြင်း၊ နာတာရှည်ဝမ်းလျှောခြင်း၊ မျှော်လင့်မထားသော ကိုယ်အလေးချိန်ကျဆင်းခြင်းကဲ့သို့သော အစာခြေစနစ် လက္ခဏာများ
အင်ပျဉ်ထခြင်း သို့မဟုတ် နာတာရှည်ဝက်ခြံအပြင်းအထန် ရောင်ရမ်းခြင်းကဲ့သို့သော အရေပြားဆိုင်ရာ လက္ခဏာအမျိုးမျိုး

အစားအသောက်မတည့်မှု စစ်ဆေးခြင်း

အစားအသောက်မတည့်မှုစစ်ဆေးခြင်းဟာ မိမိနှင့် ဓာတ်မတည့်စေသော အစားအစာများကို ဖော်ထုတ်နိုင်ပြီးနောက် နေ့စဉ်စားသောက်မှုပုံစံကို ညှိယူနိုင်မည်ဖြစ်သည်။ အစားအစာလျှော့ချခြင်း၊ အလှည့်ကျစားသုံးခြင်း သို့မဟုတ် လုံးဝရှောင်ကြဉ်ခြင်းစသည့် နည်းလမ်းများဖြင့် မတည့်သောအစားအစာများကို ကိုင်တွယ်ဖြေရှင်းကာ ခန္ဓာကိုယ်အတွင်း ဟန်ချက်ညီမှုကို ပြန်လည်ရရှိစေပြီး အလုံးစုံကျန်းမာမှုနှင့် နေထိုင်ကောင်းမွန်မှုကို မြှင့်တင်နိုင်မည်ဖြစ်ပေသည်။

ညွှန်ကြားချက်များ

တကယ်လို့ မိမိသည် ဆေးကုသမှုခံယူနေသူ သို့မဟုတ် ရောဂါကုသမှုတခုခုအတွက် ဆေးဝါးများ သောက်သုံးနေရသူ ဖြစ်ပါက သူနာပြုကိုကြိုတင်၍အသိပေးထားရန် လိုအပ်ပါမည်။
ဤစစ်ဆေးမှုမပြုလုပ်မီ ရေနှင့်အစားအစာများ ရှောင်ကြဉ်ရန် မလိုအပ်ပါ။

ငွေပေးချေရန်နည်လမ်းများ

ငွေကြေးနှင့်အာမခံဆိုင်ရာ အချက်အလက်များ သိလိုပါက - နှိပ်ပါ။